Psa 13 | OHB | STEP | לַמְנַצֵּ֗חַ מִזְמ֥וֹר לְדָוִֽד׃

Psalms 13

1 לַמְנַצֵּחַ מִזְמוֹר לְדָוִֽד׃ 2 ^{▼▼KJV:Ps.13.1} עַד־אָנָה יְהוָה תִּשְׁכָּחֵנִי נֶצַח עַד־אָנָה ׀ תַּסְתִּיר אֶת־פָּנֶיךָ מִמֶּֽנִּי׃ 3 ^{▼▼KJV:Ps.13.2} עַד־אָנָה אָשִׁית עֵצוֹת בְּנַפְשִׁי יָגוֹן בִּלְבָבִי יוֹמָם עַד־אָנָה ׀ יָרוּם אֹיְבִי עָלָֽי׃ 4 ^{▼▼KJV:Ps.13.3} הַבִּיטָֽה עֲנֵנִי יְהוָה אֱלֹהָי הָאִירָה עֵינַי פֶּן־אִישַׁן הַמָּֽוֶת׃ 5 ^{▼▼KJV:Ps.13.4} פֶּן־יֹאמַר אֹיְבִי יְכָלְתִּיו צָרַי יָגִילוּ כִּי אֶמּֽוֹט׃ 6 ^{▼▼KJV:Ps.13.5} וַאֲנִי ׀ בְּחַסְדְּךָ בָטַחְתִּי יָגֵל לִבִּי בִּֽישׁוּעָתֶךָ אָשִׁירָה לַיהוָה כִּי גָמַל עָלָֽי׃